قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №19-1/550

2015 جىلعى 19 ماۋسىم, استانا قالاسى «جەر ءۇستى كوزدەرىنىڭ سۋ رەسۋرستارىن پايدالانعانى ءۇشىن تولەماقىنى ەسەپتەۋ ادىستەمەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2009 جىلعى 14 ساۋىردەگى № 223 بۇيرىعىنا وزگەرىس ەنگىزۋ تۋرالى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» (سالىق كودەكسى) 2008 جىلعى 10 جەلتوقسانداعى قازاقستان رەسپۋبليكاسى كودەكسىنىڭ 485 جانە 486-باپتارىنا سايكەس كەلتىرۋ ماقساتىندا 2003 جىلعى 9 شىلدەدەگى قازاقستان رەسپۋبليكاسى سۋ كودەكسىنىڭ 37-بابى 1-تارماعىنىڭ 7-1) تارماقشاسىن باسشىلىققا الىپ, بۇيىرامىن: 1. «جەر ءۇستى كوزدەرىنىڭ سۋ رەسۋرستارىن پايدالانعانى ءۇشىن تولەماقانى ەسەپتەۋ ادىستەمەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2009 جىلعى 14 ساۋىردەگى № 223 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5675 بولىپ تىركەلگەن, 2009 جىلعى 29 مامىرداعى № 80 (1677) «يۋريديچەسكايا گازەتا» گازەتىندە جاريالانعان), كەلەسى وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن جەر ءۇستى كوزدەرىنىڭ سۋ رەسۋرستارىن پايدالانعانى ءۇشىن تولەماقىنى ەسەپتەۋ ادىستەمەسىنىڭ قوسىمشاسىنداعى 6-باعان الىنىپ تاستالسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ جانە بيولوگيالىق رەسۋرستار دەپارتامەنتىمەن بىرلەسىپ زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11719 بولىپ ەنگىزىلدى.